የቡሌ ሆራ ዩኒቨርሲቲ የግብርና ልማት ማዕከል የስንዴ ምርት መሰብሰብ መጀመሩን ገለፀ፡፡

ሀምሌ 27/2016 ዓ/ም

የቡሌ ሆራ ዩኒቨርሲቲ ግብርና ልማት ማዕከል እንደገለጸው በ2016 የምርት ዘመን ሁለት አይነት የስንዴ ምርጥ ዘርና የግብርና ግብዓት በመጠቀም መዝራቱን አስታውሰው የተዘራዉም የስንዴ ዘር ዘመናዊና ምርጥ ዘር መሆኑን ገልጸው አይነታቸውም "ቀቀባ" ና "ኪንግባርድ" የተባሉ መሆናቸውን አስታውሰዋል። የስንዴ ምርቱ የተሰበሰበውም ዘመናዊ የምርት መሰብሰቢያ መሣሪያ በመጠቀም እንደሆነ የማዕከሉ ዳይሬክተር መ/ር ቀመር ይማም ገልፀዋል፡፡ ይህ የማምረቱ ሂደት ወደፍት ተጠናክሮ ከቀጠለ ለዩኒቨርሲቲዉ በገቢ ምንጭነት ከማገልገሉም በላይ ለመማር ማስተማር ፤ለምርምር ; ለቴክኖሎጂ ሽግግርና ለማህብረሰብ አገልግሎት ከፍተኛ ጥቅም ያለዉ መሆኑን በአንክሮ ገልጸዋል፡፡