ሀምሌ 27/2016 ዓ/ም

የሰላም ሚኒስቴር ከትምህርት ሚኒስቴር ጋር በመቀናጀት በቡሌ ሆራ ዩኒቨርሲቲ በ2016 በጀት ዓመት የክረምት በጎ ፈቃድ አገልግሎት እንዲሰጡ ቀደም ሲል በዩኒቨርሲቲዉ ደረጃ አሰልጥኗቸዉ የነበሩትን ተማሪዎች በማስተባበርና በመምራት የክረምት የበጎ አድራጎት ስራ /አገልግሎት/ እንዲሰጡ ከሀምሌ 27/2016 ጀምሮ የዩኒቨርሲቲዉን አጠቃላይ ቅጥር ግቢና የማስተማሪያ ሆስፒታል በማጸዳት አገልግሎቱን አስጀምረዋል።  የበጎ አድራጎት አገልግሎቱን ለማስኬድ በተቀመጠዉ አቅጣጫ መሰረት የዩኒቨርሲቲዉ ክፍተኛ አመራሮች በተገኙበት የዘመቻዉ አላማና ግብ በበጎ አድራጎት ስራ ላይ ለተሳተፉ ተማሪዎች ስፋ ያለ ገለጻ የተሰጠ ሲሆን፣የበጎ አድራጎት ስራዉም በቀጣይነት በተለያዩ የማህበረሰብ ክፍሎች መካከል በማዝመትና በመሰማራት እንደሚቀጥል አስገንዝበዋል።

ሀምሌ 27/2016 ዓ/ም

የቡሌ ሆራ ዩኒቨርሲቲ ግብርና ልማት ማዕከል እንደገለጸው በ2016 የምርት ዘመን ሁለት አይነት የስንዴ ምርጥ ዘርና የግብርና ግብዓት በመጠቀም መዝራቱን አስታውሰው የተዘራዉም የስንዴ ዘር ዘመናዊና ምርጥ ዘር መሆኑን ገልጸው አይነታቸውም "ቀቀባ" ና "ኪንግባርድ" የተባሉ መሆናቸውን አስታውሰዋል። የስንዴ ምርቱ የተሰበሰበውም ዘመናዊ የምርት መሰብሰቢያ መሣሪያ በመጠቀም እንደሆነ የማዕከሉ ዳይሬክተር መ/ር ቀመር ይማም ገልፀዋል፡፡ ይህ የማምረቱ ሂደት ወደፍት ተጠናክሮ ከቀጠለ ለዩኒቨርሲቲዉ በገቢ ምንጭነት ከማገልገሉም በላይ ለመማር ማስተማር ፤ለምርምር ; ለቴክኖሎጂ ሽግግርና ለማህብረሰብ አገልግሎት ከፍተኛ ጥቅም ያለዉ መሆኑን በአንክሮ ገልጸዋል፡፡

ትምህርት ሚኒስቴር በ2017 የትምህርት ዘመን የድህረ ምረቃ ፕሮግራሞች ለመማር ፍላጎት ላላቸው አመልካቾች የሚሰጠው የድህረ ምረቃ ፕሮግራሞች የመግቢያ ፈተና  (NGAT) ምዝገባ የሚካሄደው ከሐምሌ 24 - ነሐሴ 05/2016 ዓ.ም መሆኑን አውቃችሁ የመመዝገቢያው ቅጽ ላይ የተዘረዘሩትን መስፈርቶች በሟሟላት በ https://NGAT.ethernet.edu.et በኩል መመዝገብ የምትችሉ መሆኑን እንገልጻለን።

ሀምሌ 22/2016 ዓ/ም

ወደ ቡሌ ሆራ ዩኒቨርሲቲ ለሙያ ማሻሻያ ትምህርትና ስልጠና የተላኩትን የትምህርት ቤት ዳይሬክተሮች እንዲሁም የከፍተኛ ሁለተኛ ደረጃ ትምህርት ቤቶች መምህራንን ስልጠና አስመልክተዉ ከማዕከል ከክቡር የትምህርት ሚኒስቴር ፕሮፌሰር ብርሃኑ ነጋና ከኢፌድሪ ጠቅላይ ሚኒስቴር ዶ/ር አቢይ አህመድ ለስልጣኞቹ ሰፋ ያለ ማብራሪያና ኦረንቴሽን ከተሰጠ በኋላ ዩኒቨርሲቲዉም በበኩሉ ለስልጣኞቹ የእንኳን ደህና መጣችሁ መልዕክት ያስተላለፈ ሲሆን፣ ሰልጣኞቹም በዩኒቨርሲቲዉ በሚኖራቸዉ የቆይታ ጊዜና የስልጠናዉን ጠቅላላ ሂደት አስመልክቶ በዩኒቨርሲቲዉ ክፍተኛ አመራሮች ተገቢዉ ገለጻ ተደርጎላቸዋል።በቆይታቸዉም ወቅት ሰልጣኞች የመጡለትን አላማ ለማሳካት ሁሉም ሰልጣኝ በበኩሉ ተገቢዉን ጥረት እንዲያደርግ አስገንዝበዋል።